肥媽家有六犬。
全新訪談節目《我和牠的故事》逢周四、五晚10點TVB Plus(82台))播映,今晚(20日)嘉賓Maria Cordero(肥媽),她的歌聲嘹亮且煮得一手好菜,真性情外貌有一顆愛護小動物的善心。肥媽提到鍾情狗狗的原因,她語帶感觸說︰「你養人,人哋都會betray(背叛)你;你養狗幾日,佢真係記你好耐,有時養狗,佢點樣報答你係唔知㗎。」
冬蟲草補品當零食
肥媽目前飼有6犬,今次只出動3頭,包括混種大狗Charcoal、唐狗Money及史納莎Ella。不要小看Ella個子小小,為家中小霸王,肥媽解釋︰「因為最先嚟,所有其他狗都畀佢鬧過吠過,係唔敢蝦大狗,根本唔理佢。」她透露高峰期狗狗的數目有17隻之多,大部份都是流浪狗,這段人狗緣份由肥媽搬入大埔開始。當年家居附近有一大群混種流浪狗,肥媽見牠們可憐開始每日餵養,慢慢便變成家中常客,最後登堂入屋,她回想當時情況說︰「初初唔黐人㗎,可能畀人打得多,好驚人。就算你畀嘢佢食,要等你行開先敢食。有一年凍得太緊要,我喺地下鋪地毯,鋪下鋪下(狗狗)嚟咗屋企門口住。」一群狗狗聚在一起,引來鄰居投訴,肥媽把心一橫在家門前築起鐵圍欄,限制狗狗的活動範圍,正式收養成為家中一份子。當時17隻狗狗中大部份為大型犬,肥媽表示應對大狗心思要越細,出外遛家要跟在自己身邊,最好戴上口罩。而每趟外出,都會帶上類似湊仔的百寶袋,內有水、濕紙巾、口罩、狗糧、紙巾、盛水的杯等,一點都不簡單。而今次出鏡的Charcoal已經是流浪狗群的第三代,都是由肥媽接生。
對於狗狗飲食肥媽非常注重,不會因為是唐狗而輕視,維他命、營養品不計其數。富貴如冬蟲夏草、鮑魚亦成為狗狗的雜食、點心,她苦笑着說︰「我啲姐姐(傭工)對啲狗狗好好,所以好健康㗎。我燉嘅冬蟲夏草,返到屋企我淨係得碗湯㗎咋,啲湯渣畀佢哋餵狗。每一個新嚟姐姐都畀啲勁嘢我,煲青邊鮑我又淨係得湯飲,啲鮑魚同肉畀晒啲狗食,所以佢哋好多補品。」肥媽笑言近年鄰居開始喜歡這群狗狗,事緣有一次屋企附近有火種,因為在晚上所以無人察覺,全靠犬隻靈敏觸覺狂吠才知道。又有一次出現連環爆竊犯,全憑狗狗狂呔令肥媽左右隔籬都幸免於難,再次避過一劫,她感觸說︰「養狗報答你係唔知,啲人成日話養狗,唔好以為你付出,狗狗畀你嗁心靈安慰,返到屋企有隻狗係等緊你,同個男人喺屋企等你有咩分別,起碼你信得過佢吖。」
















