【即時娛樂】SEVENTEEN Dino裸身示愛影片流出

韓國13人年僅20歲少男組成嘅Seventeen，本月中來港喺亞博館開騷，出道短短兩年，積極參予專輯嘅作曲、作詞同編舞。年紀最小嘅成員Dino，私人影片近日喺網絡上流傳。片中Dino瞓喺酒店床上，赤裸上半身不斷賣萌，又向著鏡頭喊「珉京，真係好愛你」，最後送上飛吻。無疑係同心儀對象示愛。Fans根據名字進行搜尋，發現SEVENTEEN喺專輯嘅感謝信中，曾提及到一名同名嘅「珉京姊姊」，可能就係Dino喺片中撒嬌嘅對象。對於Dino同公司職員傳出情愫，經理公司暫未作出回應，至於影片點解會喺網絡流傳？可能係「珉京」遺失手機所致。