【即時娛樂】為龍鳳胎改普通名佐治古尼：星二代已夠辛苦

第74屆威尼斯影展剛落幕，加拿大多倫多國際電影節接力登場！喜獲龍鳳胎嘅新手爸爸、荷李活巨星佐治古尼(George Clooney)現身紅毯，佢透露，早前收到太太Amal傳俾佢仔女嘅相片，佢形容兩人眼睛好大、好靚，似足老婆，言語間難掩初為人父嘅喜悅；對於為子女改名為Alexander同Ella，佐治解釋，之所以用傳統名字，係唔想標奇立異，成為荷李活嘅笑話，佢又感嘆「生為星二代已經夠辛苦！」