【即時娛樂】稻垣吾郎「求婚」成功即日行禮

日本國民組合SMAP前成員稻垣吾郎，今日(5號)喺twitter宣布結婚，嚇親fans，事後證實只係為節目做宣傳。稻垣吾郎前日(3號)喺一個直播節目中透露想結婚，又話想搵女朋友。話咁快，製作組今朝就安排佢「搭訕求婚」，佢喺表參道物色人選，開始時狂食檸檬，最後成功同一名OL搭訕，並當場「求婚」成功，更獲對方母親「答應」。稻垣吾郎隨即通知親友，下午2點舉行婚禮，現正籌備中，佢喺twitter貼出同「新娘」嘅合照，兩人甜蜜晒出愛心手勢，但不忘附註「假設的婚禮」，雖然係宣傳節目，但網民亦紛紛留言送上祝福。