【即時娛樂】金秀賢5周訓練表現優異獲放榮譽假

韓劇《來自星星的你》男星金秀賢，上月23日低調入伍服役，仍有唔少fans趕到京畿道坡州市嘅陸軍訓練所1師團新兵教育隊送別偶像。經過漫長五星期新兵訓練，今日傳出因金秀賢表現優異，各項體能都名列前茅，更成為隊中模範，獲得多日榮譽假，現已返咗屋企。假期過後，佢將會調派到1師團搜索大隊繼續服役，預計2019年7月22日退伍。