謝婷婷昨以一身白色低胸長裙打扮出席首飾品牌開幕禮，席間談及胞兄謝霆鋒，她憶述對方以前很孤獨，現在卻大不同，「每次見佢都比上次開心。」
早前，霆鋒為小S主持的節目擔任嘉賓時透露，因為下廚而拉近了與家人的關係，婷婷對此表示：「我唔知道佢係咪因為呢個原因而開始煮嘢食，不過，自從佢鍾意煮嘢食之後，態度同性格都有改變，佢以前好孤獨，依家就會經常同我傾偈、行山，佢又會煮嘢俾我食，總之每次見佢都比上次開心。」
擔心謝賢獨居
至於爸爸謝賢，婷婷坦言很擔心對方獨居，打算稍後跟他一起居住，「唔知佢俾唔俾我一齊住，我有問過佢，佢話唔好，仲話一定會鬧交。」她自言留港的時間一定比霆鋒多，故此必須要照顧父親，「只要有機會，我就會去佢(謝賢)度過夜。」
婷婷又透露，稍後要繼續拍攝電影《歐洲攻略》，下月則會到洛杉磯完成演藝課程。當被問到可會抽空跟緋聞男友謝洛美維拿見面時，她笑言：「佢唔係我男朋友，我哋係好朋友。我打算7月等佢唔使拍電影，就可以見面喇！」
提到父親節禮物，婷婷笑言不會選擇首飾，「佢(謝賢)已經有好多喇！」