12怪盜｜姜濤叫Jeremy Stanley 做「爸爸媽媽」Edan 報喜開畫2日大收500萬票房

MIRROR各成員近日積極為電影《12怪盜》落力宣傳，12子分為不同小隊四出謝票。昨日(29日) 姜濤﹑李駿傑（Jeremy）和「大表波」邱士縉（Stanley)組成三人組出動，事後姜濤在社交平台貼出他和「巨豬2人組」的合照，相中見姜濤十分鬼馬，嘟嘴分別向Jeremy及大表波送吻﹑然後Jeremy亦跟住姜濤嘟嘴，向大表波咀咀，搞到大表波反晒眼，姜濤更留言表示：「一家三口來謝票，我愛爸爸媽媽。」相當搞笑。 

而另一小隊Edan、AK 及Alton 亦現身旺角，AK更因趕謝票而冇食Lunch ，12子非常落力宣傳，Edan 在社交網公布好消息:「是日謝票小隊 啱啱收到好消息 ，上映2日就過咗500萬，你哋真係太犀利了 ，多謝大家咁支持，辛苦晒。嚟緊就要飛半個月了，我哋好好把握哩幾日見面嘅機會啦」一眾鏡粉都表示會再睇多幾次支持。