陳婉婷(Hebe)、楊芷羚(Stella Yeung)、Judy Chu及電競KOL蔥蔥等,昨日為直播平台拍攝廣告,眾人以Party Look造型上陣,順道補賀聖誕節。Hebe稱,之前有位12歲小fans,將利是錢全給她,因此非常感動;又稱一直追看《全民造星3》,更是參賽者CY的小fans。
Hebe指,早前肺炎疫情爆發初期,收入大受影響,轉投主播行列,仲講到聲淚俱下:「初時收入真係好差,係佢哋叫我唔好放棄,先撐到依家。依家做直播都叫維持到生活,fans送禮物俾我再收分成。我記得有個12歲fans,我叫佢淨係睇好啦,唔好充值,點知佢用晒啲利是錢送禮物俾我,最終屋企人發現禁止佢再玩喇。」
唔敢參加《全民造星》
Hebe自爆是電視精,一直追睇《全民造星3》:「我自己都係fans之一,仲好鍾意CY,佢係心目中杯茶!比賽當中都有朋友參賽,其實佢哋真係好勇敢,我就冇咁嘅膽量參賽啦。」