【即時娛樂】友坂理惠二度離婚對12歲仔感內疚

37歲日本女星友坂理惠，2008年同河原雅彥離婚，育有一子，2011年佢帶住兒子改嫁大佢9歲歌手SUNEOHAIR。今日友坂理惠宣布已喺舊年年底離婚，原因係性格不合。友坂理惠坦言，好對唔住今年12歲嘅兒子。友坂理惠喺blog寫道，SUNEOHAIR係敏感嘅藝術家性格，自己較實際，發生拗撬後，兩人距離愈離愈遠。友坂理惠話佢冇要贍養費，最對唔住與前夫所生嘅12歲兒子，會努力擔起做媽媽責任，彌補兒子受創心靈。