【即時娛樂】宣傳影片打錯名字 BoA怒斥公司

現年30歲嘅韓國女歌手BoA，出道已17年，喺韓國擁有高人氣，今年初首次認愛，同韓劇《龍八夷》29歲男星周元拍拖。昨日BoA因一段新單曲《春雨》嘅宣傳影片，寫錯佢嘅名，嬲到喺IG怒斥公司。影片中一開始就將BoA嘅英文BoA寫成BOA，激到BoA怒斥公司：「點解會搞唔清我名字嘅大小楷寫法？莫非我唔係BoA？請查清楚後再上傳啦！」粉絲亦紛紛力撐：「……唔係7年，係一齊合作咗17年，咁都會錯！」公司事後已將該影片更正。