【即時娛樂】安達祐實自爆初戀情人變繼父

童星出身的日本女星安達祐實，早年以《沒有家的女孩》紅遍亞洲，後來變成露點脫星。佢媽媽安達有里亦曾以星媽身分拍AV，令母女幾近決裂。近日安達祐實為新片上節目宣傳，再次講起媽媽，更自爆喺佢讀幼稚園時期，出入電視台曾暗戀一個做幕後嘅大哥哥，安達祐實視對方為初戀對象，等到佢讀小學時，竟喺屋企同對方重逢，媽媽同佢講：「由今日起，佢就係你爸爸！」安達祐實罕見與外界分享媽媽再婚心情，坦言雖然大受打擊，但由於對對方有好感，即使初戀情人變成繼父，亦感到開心。