身為兩個寶寶的媽媽，Ada開工最不捨是女兒。
蔡少芬(Ada)、張文慈、林欣彤、小寶及吳芷默等，昨日為電視劇《老表，畢業喇！》拍攝外景，Ada首次與張文慈演對手戲，談到拍電視劇耗時間，Ada稱最放不下兩個女，現在希望劇組周末給她假期陪愛女。
Ada指《老表，畢業喇！》是張文慈過檔無綫的首部電視劇，所以特別與對方接受訪問：「第一次同佢合作拍劇，佢非常之就得人，一齊演戲好舒服。」《老表！》系列總是笑料不斷，首次加入大家庭的Ada稱，「拍嘅過程裡面，大家不停諗到好多搞笑場面，淨係我同郭晉安嘅戲，都已經搞出好多冷笑話。」
Ada拉著張文慈合照，大讚對方工作態度一流。
細女一喊唔願開工
努力工作的同時，兩女之母的Ada還要兼顧家庭，她坦言：「兩個女一放學返嚟，就即刻四圍搵我，我同佢哋講我要返工，佢哋就會問我點解要走？有時會話『媽咪唔好走啦！』細女仲會扮喊！真係唔捨得佢哋。」提到聖誕節來臨，Ada指目前不知道有沒有假放，「爸爸張晉要開工，依家有半日假已經好開心，最希望劇組俾我星期六、星期日放假，星期一至五點拍都冇所謂。」
ADVERTISEMENT
【👇送皇玥中秋月餅👇】
