Ad Block Ad Block
娛樂
2022-12-05 17:31:48

18大「年過50美魔男星」一覽 第1位男神一日只食一餐?

分享:

18大「年過50美魔男星」一覽 第1位男神一日只食一餐?

近年愈來愈多女藝人被冠以美魔女之稱,意指外貌並無隨年齡增長而走樣,如同維持凍齡狀態;圈中亦盛產出唔少美魔男,早前網民再次選出18位保養得宜之男星,一齊睇吓上榜嘅男藝人有邊個啦,隨時比一眾小生更有型!

第18位:石修(74歲)

石修為圈中數一數二嘅型男之一,身型與外貌均與年輕時無太大分別。石修曾分享其保養方法,表示除咗唔煙不酒,年輕時已喜愛運動,宜家佢就每日至少用1個半小時運動,例如急步,行到背脊出汗為止、舉啞鈴及做掌上壓100下。

第17位:劉松仁(73歲)

劉松仁已久未有影視新作,處於退休狀態中,又傳出身體欠佳消息,但就曾有網民曾拍到劉松仁近況,指佢當時精神好好。劉松仁早前73歲生日,有粉絲製作多個影片,記錄佢過去演過嘅唔同角色,劉松仁亦有出PO表示多謝。

第16位:任達華(67歲)

任達華67歲帶有一陣佬味,老得有型。

任達華

第15位:呂良偉(65歲)

65歲呂良偉當年以港劇《上海灘》成名,近年被激讚愈老愈正,被封為「不老男神」。

第14位:苗僑偉(64歲)

苗僑偉(三哥)即使已「登六」,但散發出一份成熟穩重男人味。

第13位:吳鎮宇(60歲)

吳鎮宇於《衝上雲霄》「Sam哥」一角夠晒經典,2003年《衝上雲霄》版本至2013年《衝上雲霄II》吳鎮宇個樣都無太大分別。日前,有網民指吳鎮宇撞樣墨西哥足球門將奧祖亞(Guillermo Ochoa),吳鎮宇風趣回應自己下一場對沙特,唔會再失波。

第12位:梁朝偉(60歲)

梁朝偉閒時每日做兩小時運動,愛食沙律或蕎麥麵,又愛做水上運動,非常健康。 但有唔少網民表示唔同意佢係美魔男,留言:「成個阿伯樣出咗嚟喎,歲月不饒人」、「佢個樣成日都好無奈咁」、「對眼已經開始dup落嚟」等等。

Ad Block

梁朝偉

第11位:方中信(59歲)

方中信臉上幾乎睇唔到歲月痕跡,常於社交平台分享做運動或行山照片,又會每周隔日跑步,每日三餐都會親自下廚,甚少食外賣。

第10位:甄子丹(59歲)

甄子丹去年分享近照時,同時貼出自己17歲嘅照片,兩者都係著上相近外套擺返同樣姿勢,被網民大讚無變化:「丹哥,能教一下髮際線為什麼能後移得那麼慢嗎?」唔知係咪因為佢從小能文能武有關?

第9位:郭富城(57歲)

郭富城18歲時已經鐘意唱歌,早前於TVB台慶壓軸唱跳演出,被讚寶刀未老。

Ad Block

第8位:呂頌賢(56歲)

呂頌賢曾參演《笑傲江湖》,被封史上最靚仔令狐沖,又被指外型似山下智久,雖然呂頌賢現時有唔少魚尾紋,但仍然保持靚仔模樣。

第7位:林海峰(55歲)

林海峰平日熱愛跑步,曾參加英國倫敦馬拉松賽事,並以3小時18分鐘完成,相當厲害。而佢同太太彭羚仍恩愛如昔,林海峰更多次公開多謝對方。

林海峰

第6位:林家棟(55歲)

林家棟出道至今34年,當年考咗2年先考上TVB的藝員訓練班,一直出演二打六,直至被萬梓良提攜得到舞台劇男主角演出機會。林家棟曾於2017年憑電影《樹大招風》勇奪影帝,不過2022年角逐金像獎最佳男主角則大熱倒灶。

Ad Block

林家棟

第5位:鄭伊健(55歲)

鄭伊健《古惑仔》「陳浩南」成為他最經典演出之一,網民指佢連外貌都停留喺《古惑仔》年代:「佢連紋都好似無,面又唔乾」。

鄭伊健

第4位:李克勤 (54歲)

網民認為李克勤勾起8、90年代回憶,外貌與年輕時無太大分別,不過都有網民覺得李克勤無P圖時個樣好殘。

李克勤

第3位:馬德鐘(54歲)

馬德鐘高大威猛,加上樣貌就似凍齡一樣,迷倒唔少觀眾;馬德鐘曾與兒子馬在驤父子檔拍廣告,被指比兒子有型,佢就曾分享自己平時靠食素同運動保持健康體魄。

馬德鐘

第2位:袁文傑(53歲)

53歲袁文傑早前拍住25歲丁子朗演出TVB劇集《下流上車族》,被指二人差別唔大。袁文傑又曾直認自己呢一個年紀算係Keep得OK,表示平日湯水好重要,細個時媽媽一個星期有6晚都會煲湯。

袁文傑

第1位:古天樂(52歲)

古天樂被稱為不老男神,佢曾分享自己嘅保養方法,表示實行斷食法逾10年,每日只會於傍晚時份進食一餐,逢初一、十五茹素,不過佢強調呢個方法唔係人人適合。

古天樂

原文刊登於 Yahoo娛樂LOL,am730獲授權轉

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受