已為兩女之母的Lynn，穿上白色低胸長裙，身材依然弗爆。
現年40歲的熊黛林(Lynn)，昨日(2日)於旺角出席醫學美容中心開幕儀式，已為兩女之母的Lynn，穿上白色低胸長裙，身材弗爆。
Lynn透露剛從大陸返港，之前半年一直在橫店和上海兩邊走，拍了兩套劇集和兩部電影，笑言太耐沒有拍戲，怕大家會唔記得咗佢。(問到女兒會否不認得你？)Lynn表示：「其間曾返港一個月，我們有Facetime，佢哋成日問媽咪幾時返，搞到我都眼濕濕。」
Lynn今次只留港2個月將會再返內地工作，笑言老公仍未知道：「當佢知道後我就大鑊！上次佢已經同我講，唔好去太耐，今次留2個月又走，佢會癲！」不過Lynn不想放棄事業，更說尋回事業後，有了信心和自信，人都靚咗。
育有一對孖女的她，揚言封肚唔追仔，直言上次生完重了50幾磅，又自認年紀不輕，她說：「40歲啦！唔想再減肥，亦冇追仔壓力！」
ADVERTISEMENT
請你睇《夜王》| 大年初一華麗賀歲 🤩
