伍允龍指，今次演文戲非常滿足，但他還是喜歡拍動作片。
陳山聰、姚子羚及伍允龍等，昨日為《鐵拳英雄》宣傳，陳山聰稱，若收視有35點會穿泳褲報答觀眾，並要求姚子羚著三點式但遭拒絕。席間談到胡定欣的體臭問題，陳山聰指因此事被對方開年。
姚子羚稱今年犯太歲，所以去了拜神祈福，問她有否求姻緣，她說︰「有，希望早日遇到如意郎君！(你唔係有咩？)如意郎君唔嫌多呀！哈哈！」提到陳山聰的囝囝Jaco冷待胡定欣，他強調囝囝與定欣好老友，「定欣經常整蠱Jaco，不過肯俾定欣抱抱，佢哋好friend。」問到胡定欣是否真的因體臭問題被Jaco冷待，他大呼無奈︰「個留言原本佢睇唔到，點知新聞出咗嚟，胡定欣打嚟狂鬧我，依家大鑊，有排搞呀！要封多兩封大利是俾佢！」
44歲伍允龍著急婚姻
伍允龍指，新年到安志杰家拜年，探望一對契仔女，但安志杰身在內地工作，未能與這位好兄弟見面。問到Jessica C.有否向他催婚，伍允龍說：「冇喎，希望今年可以搵到個好女仔啦，自己年紀唔細44歲，唔可以再玩玩下。」他指一直有出去識新朋友，可惜仍未找到心儀對象。
陳山聰籲姚子羚著三點式回饋觀眾。