譚凱琪在戲中被人用刀刺傷兼墮樓身亡。
《十八年後的終極告白2.0》昨日播出戲肉，譚凱琪飾演的莊銳婷(Queenie)終於「領便當」墮樓身亡，而Queenie身亡前的被追殺及負傷躲藏畫面，更是似曾相識。原來Queenie首集被追殺的畫面並不是噩夢，而是劇組專誠以插敘形式交代故事，令觀眾追看時不但會憶起之前的經典場口，更可能因而想起之前遺漏了線索，令前後劇情更為完美呼應。監製王偉仁受訪時透露，《十八年後2.0》今次確是採用了「唧牙膏」的方式講故仔，希望觀眾看得更過癮之餘亦能時刻有驚喜。
Queenie之死更掀起一波追兇熱潮，網友紛紛偵探上身，列出一眾嫌疑人，當中姚尚謙Angus（譚俊彥飾）、宋慧琪Joyce（趙希洛飾）、沈越（龔嘉欣飾）、方志浩Jason（陳山聰飾）、葉凌風Kammy（阮兒飾）嫌疑度最高。
譚凱琪難忘被譚俊彥捏頸
譚凱琪（Zoie）是次一改斯文形象、破格演出癲喪潑婦頗為網民受落，更封她為「攬炒姐」。對於角色引發熱議卻要提早離場，Zoie受訪時笑言：「雖然我拜拜咗，但我靈魂仍在架，佢哋會不斷召喚番我出嚟，交代番好多嘢。」
Zoie又指與譚俊彥對戲的場口也是十分難忘：「我好少拍咁多內心戲，尤其畀阿譚捏住條頸嗰場真係好深刻，因為又要記走位、動作，又要講住對白，仲要就埋機位，是但一邊NG都要從頭嚟過。所以為咗拍攝時順利啲，我哋每場戲都會事前綵排好多好多次，所以拍攝時都好順利，兩、三Take就完成。」果然專業。
沖泡後帶出門飲用亦可。
ADVERTISEMENT
【開APP領取】免費換領麥當勞叔叔之家利是封及揮春
