洪嘉豪孖Do姐出埠拍旅遊節目靚絕德國

「Do姐」鄭裕玲去年約滿TVB，轉投HOY TV拍攝全新旅遊節目，今次會跟5位年青男星輪流遊埠，分別是應智越（細貓）、洪嘉豪、魏浚笙（Jeffrey）、Tyson Yoshi及林家謙，早前Do姐孖住細貓到南韓開工，拍攝完南韓首站之後，她跟攝製隊又馬不停蹄出發往德國繼續開工。

今日，Do姐已揭盅第二站的拍檔是洪嘉豪，並寫道：「唔怪得之人稱洪嘉豪為院長！佢話佢覺得自己靚仔過所有德國仔！」嘉豪隨即在Do姐的Post下留言伸冤：「你講嫁喎Do姐……」大批網民紛紛留言指兩人合照的畫面簡直「美到地震」。