4歲Lucy李元元榮升家姐 阿媽宣布有咗第二個

李璨琛與太太梁志瑩育有4歲囡囡Lucy（李元元），媽咪為女兒經營的IG帳戶，近年深受網民歡迎，Followers已多逾38萬。今日是李璨琛的47歲生日，其太太在Lucy帳戶公開喜訊，表示造人成功懷有第二胎，Lucy快將榮升家姐！

梁志瑩上載一張Lucy趴在媽咪孕肚上的新相，並寫：「今日係爸爸生日，除咗想同佢講聲生日快樂之外，仲想同大家分享一個更開心嘅消息，就係：老母終於都再次懷！孕！了！因為個肚太唔明顯，但係老母又好想D人對佢再好D：讓下位俾佢坐呀、扶下佢過馬路呀、買嘢排隊可以插隊呀、或者買嘢唔洗俾錢呀等等。所以決定要公佈啦！決心要做一個無恥嘅孕婦，half way to go，今次究竟係Richard1.0，定Lucy2.0，大家估下」。消息公開後，網民亦紛紛留言恭喜。