氣球姐何小姐出聲明反擊開直播稱情緒病復發

因為熱氣球事件大受關注的何小姐(Botan又名Dreamy、Cody、Doris)人紅是非多，與何小姐有勞資糾紛的司機向傳媒爆料，指何小姐口中走佬的前夫，十年無見的阿媽全是大話，同時對方又指何小姐有一「密友」郭生(Beeson)，更有提供對話截圖予傳媒，見到何小姐頭像向司機說：「阿明你系(係)咪想死啊，我都未同阿son goodbye kiss，你就車佢走，你想佢死系(係)嘛。」

由於傳媒找來照片、影片等質疑何小姐在《會八十》的說法有出入，加上又有司機提供的對話截圖，何小姐在報道出街後，亦急急開直播澄清，但見到有不少網民留言指她大話連篇。

網上指控令情緒病復發

何小姐指因為近日網上指控，已嚴重影響她的精神，令其情緒病復發。她續說：「在生意立場，如因之前疏忽，我願意道歉。可能某個夥伴，令佢有損失，我絕對願意承擔呢個責任，所以作出正面回應。而前partner願意承擔返佢需要承擔嘅責任。因當其時佢攞咗公司嘅錢，亦借咗我嘅錢，但由於我哋同嗰位小姐，係商業上合作，所以唔應該由本人承擔責任。所有事件，已交由我代表律師跟進。而對於一啲某部分失實誤導性評論，對本人造成名譽、金錢、精神上傷害，我亦交由律師出信跟進。」

自我推翻《會八十》言論

她又說：「當年我先生離港，係有離港紀錄，另我一個帶住小朋友，當時有社工跟進，亦有社署相關紀錄。我小朋友兩歲讀N班時候佢返嚟，我為咗小朋友健康成長，為小朋友著想，我係接受佢一齊照顧小朋友，但係我亦都簽咗離婚協議，為咗小朋友，無同佢講呢件事，我哋依然想做父母角色，我好想我個仔有個快樂童年。佢哋指出我媽媽又去睇小朋友，我覺得無論我同父母十年無見，同我媽媽關係一向疏離，但唔代表我媽媽無權見個孫，我同媽媽關係幾惡劣，我哋之間幾唔想見面都好，都唔應該影響老人家見小朋友權利。」

出聲明指陳佩思等言論誤導

直播中有不少篇幅回應陳佩思、前司機的指控，及後她強調網上出現對兒子惡毒留言，令她不得不回應：「我個仔係我底線，我唔容許任何人為一已私利，去傷害到細路仔，無論我年青時候，在生意上商業上，有過咩糾紛，或疏忽事情，我願一力承擔，我願意承擔應該負嘅責任。」最後她說到：「我覺得自己好冤枉，因為真金白銀俾咗錢人哋，去提供一個服務，最後仲要俾人冤枉作故事。我唔想再喺社交媒體......浪費公眾資源，因為呢啲真係個人糾紛。」

去到深夜時份，何小姐在社交平台發出「個人聲明」，就陳佩思的零食店、Josephine及兩位司機的指控作回應，而當中的内容跟她早前在網上的留言回應差不多，只是比較詳細少少列出年份。她在聲明中先後指陳佩思、兩位司機的言論有誤導之嫌。此外，她亦將其私人帳號的照片全刪除，因帳號曾有跟前夫一齊賣口罩的照片、前夫的帳號亦已搜尋不到。