王敏奕撼贏龔慈恩奪最佳女配角。(林俊源攝)
《萬千星輝頒獎禮2025》於澳門上葡京綜合度假村盛大舉行，王敏奕憑《新聞女王2》「劉艷」一角奪「最佳女配角」，撼贏大熱門龔慈恩。她聽到自己名字時，雙眼通紅，眼泛淚光，她跟龔慈恩相擁之後，經過佘詩曼身邊時，阿佘為她整理妝容，此時畫面見到王敏奕雙眼全是淚水。在台下的曾志偉亦都笑笑口見證新抱上台。
王敏奕從一樣有份拍《新聞女王2》的夏文汐手上接過獎項，宣布她獲獎的是曾經和她拍電影的張兆輝。王敏奕在台上喊爆多謝每一位高層，當然亦有「多謝老爺」，當她在台上講感謝辭時，台下的佘詩曼眼濕濕。她在台上表示很緊張，更腦海一片空白，「我好榮幸可以同龔姐同其他人一齊獲提名，喺公司呢幾年學識要虛心、努力，做演員唔係比賽，每一個作品、角色令人可以記住已經係值得嘉許嘅事。一個演員唔需要一個獎話佢知有幾好，但一個獎可以令一個演員可以堅持行落去。」
ADVERTISEMENT
立即更新/下載AM730手機APP 體驗升級功能
