丁子朗已經入行10年！(林俊源攝)
丁子朗去年憑住《俠醫》扮演奸角「鄧世鏗」角逐「最佳男配角」，可惜失望而回。今日(8日)他到電視城出席新春盆菜宴，他接受訪問時承認有少少失望，「我輸咗呀！我係有少少失望嘅，但點都好，都要繼續再做好下一個角色，向前行先係對自己最好交代。」他透露今年暫未有計劃在音樂上有搞作，現時想專注拍戲，笑謂「啱啱先輸咗個獎，梗係要繼續努力證明俾大家睇！」
丁子朗將與吳若希一齊去旅行。(林俊源攝)
提到今年是他出道10年，他坦言最難忘當年參加《香港先生》，穿泳褲跟觀眾見面，接著是令觀眾開始認識他的節目《森美旅行團》，當時與森美、吳若希等一齊拍，跟吳若希更成為好朋友；最後便是《亞洲超星團》，因為當時大家好驚訝他轉了一個與別不同的形象。他說︰「呢啲都係對我成長好有幫助，每一個都係好大嘅轉折，都打開新嘅市場同視野，無呢啲經歷都會做出之後嘅選擇。」
他表示今年的上半年比較多自己的作品推出，稍後去澳洲跟吳若希、戴祖儀一齊去拍旅遊節目。他說︰「因為今次個主題係講友誼，本身同佢哋兩個都friend！真係好開心，因為過去幾個月都係忙工作，今次可以用公司錢去玩！已經plan好去邊，會上山下海咁！」
ADVERTISEMENT
【開APP領取】免費換領麥當勞叔叔之家利是封及揮春
