洪金寶孖兩孫潮爆跳手勢舞。
洪金寶近年出入都要坐輪椅，曾一度傳他身體狀況變差，直至最近他行動自如，當出席活動或者要工作時，便會棄用輪椅轉枴杖撐著，被網民指「回春」。日前（7日）洪金寶迎來74歲生日，兒子洪天明在社交網分享三代同堂的短片，見洪金寶與兩名孫仔用雙手「跳舞」，動作靈活，相當精靈。
寶刀未老
片中，洪天明去問洪金寶︰「老竇，可不可以同我拍個跳舞視頻？」洪金寶斬釘截鐵地說「唔得」，洪天明就轉口風出動兩名兒子問︰「同兩個孫拍得唔得？」洪金寶則立即一口答應。洪金寶坐在一張椅子上，面色紅潤，並與兩名孫仔大仁、竟稀一同用雙手「跳舞」，見他全程跟足拍子，動作靈活，作為動作演員的他寶刀未老，相當精神，鏡頭外的洪天明更大叫「Happy Birthday」，兩名孫仔即攬實爺爺，場面溫馨有愛，洪天明則留言寫道︰「祝全世界最靚仔的特工爺爺生日快樂﹗」。
ADVERTISEMENT
【開APP領取】免費換領麥當勞叔叔之家利是封及揮春
