發哥缺席金像獎莊文強：佢唔睇重呢啲嘢

第38屆香港電影金像獎已經完滿結束。四哥謝賢獲終身成就獎，黃秋生及曾美慧孜成為今屆影帝影后，而惠英紅及袁富華就分別奪最佳男女配角獎。

賽前獲17項提名的《無雙》，最後共奪7個大獎成為大贏家，但係有份角逐影帝的周潤發昨日就無出席頒獎禮。《無雙》導演莊文強就表示：「發哥一直都唔係太睇重呢啲嘢，有時候佢都會話，你做咩幫我報名。」