Anson Lo找來林奕匡交流偷師。
繼早前為女神鄧麗欣下廚兼合唱後，Mirror成員盧瀚霆(Anson Lo)再找來唱作歌手林奕匡(Phil) 交流偷師。今次Anson Lo不再做廚師，做回老本行教跳舞，不料慘被花姐與Phil夾計整蠱。懵然不知的他看著交足戲的Phil，因跟不上舞步而黑面，暗裡直呼：「今日是出道以來最尷尬！」難得是在百般留難下，他仍然耐心教導，後來知悉「真相」才鬆一口氣，終如願跟Phil合唱，並獲讚工作有熱誠。
入行前是舞蹈老師的Anson Lo，細心向Phil教授舞步。
Phil 嫌舞步太難，表現很不耐煩。
Phil交足戲，Anson Lo中計了。
不知所措的Anson Lo直呼：「最尷尬的一次。」
談到合作緣起，話說《全民造星》比賽時，雖然Anson Lo未被安排與Phil合唱，但Phil的鼓勵足令他念念不忘，他憶述說，「當時我嗰隊輸緊，Phil唔識我哋，但仍主動走來跟我們講加油，當刻好感動，覺得他很sweet。」故此，當知道有機會跟前輩合作拍短片，就即時想起Phil，他坦言：「由錄第一首歌開始，監製Edward Chan就話我唔夠感情，但我聽Phil唱歌覺得他放咗好多感情，感覺仍很輕鬆，好想借機偷師。」
原定計劃是各展所長，Anson Lo與Phil合唱《精神時間房》偷師，同時向前輩傳授舞技，但經理人花姐跟Phil夾計玩整蠱，刻意刁難，一時說太難，又嫌動作未夠有型，Anson Lo雖感不知所措，仍沒半點脾氣，認真地為Phil度身設計簡單舞步，直至工作人員揭穿真相，他才恍然大悟，不停傻笑。事後，Anson Lo笑言：「今日係考急才！」，Phil則說：「考你急才，但考我演技！」
慘遭大整蠱後，Anson Lo終如願與Phil合唱。
Anson lo獲悉真相後，不停儍笑。
Anson Lo從沒想過被整蠱，「見Phil唔係好想跳，就諗佢係咪工作上唔開心呢？所以唔想勉強佢，就不停想有冇其他方法可以做到件事。後來知道係整蠱，我倆也認真跳咗一次，其實Phil好enjoy跳舞，令我幻想到佢喺屋企跟住音樂『un』，正呀！」Phil笑言，自己只會在太太不在家時才會「un」，免得獻醜。在兩人交流環節，他大讚Anosn Lo有耐性，有求必應，「例如我話動作好難，又或者唔難但又唔夠型，佢都不厭其煩地即席度過steps，睇得出佢對於音樂、工作都好有熱誠，很期待他唱慢歌。」
ADVERTISEMENT
【開APP領取】免費換領麥當勞叔叔之家利是封及揮春
