Sammi坦言天生不是母親，童裝店對她來說有如迷幻森林，無從入手。
梁詠琪(Gigi)及丈夫Sergio、鄭秀文(Sammi)及楊千嬅等，昨日到銅鑼灣出席西班牙童裝品牌開幕活動，這個品牌是Sergio代理的生意，昨日是Sammi和許志安結婚5周年紀念，Sammi笑指，準備幫襯Gigi的童裝買禮物慶祝。
Sammi與許志安結婚5周年「木婚」紀念，她笑說︰「我都唔知5周年叫『木婚』，難怪今日我哋都木口木面！」Sammi表示，沒有為周年紀念大事慶祝，笑說：「今晚約咗兩位好重要嘅朋友一齊慶祝，不過未諗好買啲咩，一陣入去Gigi間舖買件童裝俾佢，哈哈。」
千嬅為仔著男裝
楊千嬅指，兒子Torres穿衣服很有自己的堅持，她說：「Torres好鍾意著藍色，但係唔可以咩場合都著藍色㗎嘛，唔係就爸爸有咩，佢就要一件迷你版的。」楊千嬅搞笑表示：「為咗同佢哋一齊著親子裝，自己有時都要著男裝。」
Gigi為女賣童裝
Gigi指，為了這間店舖，Sergio已經籌備了很久，Gigi說：「一開始係因為個女每次返西班牙，都會買呢個品牌嘅衫，但係我哋香港搵唔到，連差唔多品質嘅牌子都冇，所以就想自己香港代理。」
Gigi表示，現在女兒穿衣服很有想法。