為新片《高凶浩劫》來港宣傳 Dwayne Johnson扮識廣東話

荷里活動作巨星「The Rock」狄維莊遜(Dwayne Johnson)，昨日來港宣傳新片《高凶浩劫》。一身便服打扮嘅狄維，一貫平易近人又識搞氣氛。佢同大會司儀DoDo姐鄭裕玲講 : 「我已學識廣東話，你用廣東話問我啦!」DoDo姐就問 : 「你在戲中飾演一個失去小腿嘅人，拍攝前你點準備飾演呢個角色？」狄維扮晒識咁答 : 「當我成為最性感男人嘅時候，我好榮幸。」狄維擺明扮識，連坐佢隔鄰嘅女星Neve Campbel都l笑到停唔到。