BIG FOUR演唱會尾場
BIG FOUR 張衞健(Dicky)、許志安、蘇永康和梁漢文(Edmond)一連三場《BIG FOUR HAPPY TO SEE YOU ALL演唱會2025》，昨晚(11日)在紅館舉行尾場，大批圈中好友包括黃子華、陳奕迅(Eason)、張繼聰、謝安琪、張玉珊與男友、吳文忻、呂良偉夫妻、鄭希怡、鍾麗淇、《中年好聲音》譚輝智和狄波拉、黃建東等捧場。今晚是許志安58歲生日，全場在大合唱生日歌為他預告應祝。
許志安灑淚舞台
許志安在Joey Tang伴奏下唱《一家一減你》和《心血》時，開始忍不住落淚，「多謝你哋俾一個咁神奇嘅感覺我，好耐冇唱歌，多謝你哋！」接著他唱《一步一生》前，感觸分享，「本來以為呢首歌只係屬於我自己同啲歌迷，互動打氣嘅一首歌，但係經過咁多年之後，我覺得呢首歌唔剩係屬於我，係屬於大家。呢首歌講我哋每一個都有自己要走嘅路，同埋面對嘅人生，喺人生當中一定有許多悲歡離合，甜酸苦辣，光明或黑暗，每一日每一刻每一分每一秒，都有許多變數，令我哋覺得唔知點處理，我覺得呢首歌正正喺我哋最需要，喺我軟弱嘅時間，有人拍拍膊頭同我講：『你得嘅！俾比機，加油！』呢幾年我聽最多係呢句說話，無論買嘢食或跑步，都同我講加油！希望喺面對未來嘅不安和未知當中，我哋都有呢份勇氣，行好我哋人生、每一步。」說畢，90度鞠躬多謝觀眾。
非柴娃娃 證明值得留低
演唱會尾聲，四子逐一分享心聲，蘇永康回想促成今次演唱會，源於去年3月他約三子出來飯聚，「我哋咁晚傾咗好多偈，因為嗰晚先有今晚嘅BIG FOUR，咩原因我哋四兄弟知就夠，感謝你哋同我行呢段旅程。」接著安仔表示，再次多謝音樂總監何丙，以及演唱會導演，「佢同我每晚都傾電話鞭策我，好記得佢教導我嘅其中一句話：『我哋唔係四個柴娃娃，喺度講吓笑就算數，要拎百分之百嘅誠意出嚟，話俾全世界聽：『你哋仲係值得留低喺度。」
梁漢文吹口琴有原因
梁漢文回想上次開個唱已是10年前的事，如今再踏紅館舞台，有甚麼可表演給觀眾？他表示，「開會時，導演建議吹口琴，咁啱我喺疫情匿埋屋企，自己學口琴，吹吹吓又OK。」當正在思考如何令演出更豐富時，看了電影《搖滾詩人：未知的傳奇》，發現有掛頸口琴吹，「靈機一觸，可配鋼琴。」促成自彈自唱兼吹口琴的演出。
被Eason提點唱好啲 張衞健條氣唔順
而張衞健率先自爆，向來在BIG FOUR演唱會的個人表演，都有百分之八十或以上是Talk娛樂大家，「今年想一句說話都唔講，睇吓係咪可以征服現場觀眾。」他自爆第一次開BIG FOUR騷時景，「第一次開騷，佢到後台同我講，你講talk講得好好笑，但可唔可以唱《身體健康》唱得好啲呢，我條氣唔順，但我係接受意見嘅人，所以今次合上眼，專心唱俾佢聽。」前晚開完巡唱尾場的陳奕迅，昨晚現身撐Big Four場，聽完張衞健一番話，即雙手豎起拇指表示讚賞。
ADVERTISEMENT
😋請你嘆香港迪士尼20周年下午茶👇立即登記👇
