COLLAR全新團綜《COLLAR以為去度假》安排6月2日開播。 (娛樂組攝)
COLLAR全新團綜《COLLAR以為去度假》將於6月2日開播，今日七位成員今日齊齊現身旺角出席記者會，她們分享拍攝點滴，並分組大玩射箭遊戲，許軼Day和蘇雅琳IvySo負責射箭，而其他隊友則做箭靶，為了達標，眾人非常有默契地改規則，發揮另類團結精神。最後，COLLAR還特別準備了寫滿心意的飛機，送給現場的幸運粉絲，並集體派心冧爆粉絲。
Winka零懷疑
COLLAR表面上是往新加坡度假，實質是接受嚴格的紀律式特訓，她們受訪時表示，出發前已感可疑，Day直言：「我見佢哋畀唔到schedule已經覺得好古怪，即刻搵晒啲救命法寶出嚟。」惟獨Winka和芯駖以為真是度假，Winka更是完全零懷疑：「所以我喺預告喊得咁慘，我真係冇諗過，真心覺得公司以為我哋呢幾年都攰啦，可能有少少任務，但都可按摩食好嘢！」拍攝過程不但被沒收電話，人人都有爆喊時刻，更差點一言不合吵架，她們解釋：「我哋有個遊戲意見不合，係關於信任，我哋互相猜度，但其實係被節目組計算咗！」
各有公主癌
不過，她們亦度過最親密的時光，就是齊齊沖涼，Winka大爆沖涼房間格獨特，可互相望到對方的頭，她形容是經歷如親姊妹般的接觸，「其實可以同一格沖涼！」她們自爆各有獨特的「公主癌」，阿Day為免曬黑\全程包到實；Ivy自認睡公主，瞓到過時被隊友拋棄；原本很怕蚊蟲的Gao就訓練到產生抗蟲性，芯駖就畏高，Candy就破戒食榴槤，「第一次食完覺得唔好食，今次係第二次食，都有少少改觀。」更慘情是她跌倒搞到周身傷。她們大爆已影了實體相，或會透過睇團綜答問題方式送給fans。
Day無懼與張家朗比試：激光劍係「長項」
Marf和Day參演的劇集《哪一天我們會紅》廣獲好評，被網民封為「神劇」之一，Marf更在慶功宴上落淚，「希望有更多資源開拍第二季，或者做多啲唔同節目俾劇組。」初拍劇的Day演學生妹Anna獲讚，Anna曾向劍䄂張家朗挑機，獲對方回覆，她直言好開心大家投入劇集，立即Anna上身回應張家朗：「激光劍係Anna『長項』，唔知係咪你哋『長項』。」芯駖早前完成12場舞台劇《你好，打刧！Reunion》，每場均被麥沛東掌摑，夾埋排練合共超過20巴她笑言：「原來畀人打完係會瘦咗，左邊臉真係瘦咗，其實每次打完都有敷冷袋。」不過喊足12場真的會眼腫。而Winka即將參演音樂《三。八》，她指彩排得如火如荼，並向有經驗的姊妹請教養聲和演戲心得。
回應與洪嘉豪緋聞
另外，Ivy So早前與媽咪去旅行，罕有地在IG上載三點式泳照，備受網民關注，她靦腆表示：「好怕醜，本身仲有啲相打算po，但見大家咁留意就冇諗住po了。」至於早前被影到睇洪嘉豪有份演出的拉闊騷，她回應指是與廣播劇《Last Seen》團隊一齊去，對於兩人的緋聞，她表示：「我解釋過，唔再補充。」至於被網民指戴特別版的嘉豪fansclub紅色帽，Ivy已在IG限時動態po相表明是193送的帽子：「我都愕然，希望大家唔好P回圖製造新聞，係一件好壞嘅事。」
ADVERTISEMENT
20周年「全城撐本地消費3重大激賞」！ 即睇活動詳情！
