20歲陳康堤終於出道，被業界譽為最強新人。
陳奕迅(Eason)與徐濠縈的20歲囡囡陳康堤(CONSTANCE)，加盟華納後昨日推出首支單曲《doll》和MV。歌曲由她與年輕音樂人Ernest Choi聯手創作，描述從有毒、操控性的關係中掙脫的歷程。對於初拍MV，康堤表示極度緊張又興奮。「雖然拍攝節奏好快，又好多鏡頭要拍，但我好享受過程，仲愈拍愈精神！同製作團隊混熟後，幫到我好快融入到角色。」
Chanel宣傳片導演打造
《doll》MV由康堤好友、曾為Chanel、Tom Ford、Nike等品牌拍攝宣傳片的導演MO LYU執導，康堤表示：「感激同咁優秀嘅團隊製作我第一個MV，佢哋喺成個過程俾咗好多鼓勵我，如果冇佢哋我真係唔知點做，有咁多好朋友參與呢個MV，對我嚟講意義重大。」
康堤續說：「知道要拍MV時真係好擔心又大壓力，臨拍前幾日我直情感覺到自己愈來愈焦慮，擔心會唔會令大家失望。睇完MV，我意識到自己都仲有好多進步空間。不過都有同自己講呢個只係第一個MV，相信未來仲會有更多機會俾我去成長和嘗試。」
