Edan與家英哥事隔三年再合作。
MIRROR成員Edan(呂爵安)於19年與羅家英一齊拍攝ViuTV綜藝節目《臺灣文西Only You》而結緣，之後每個農曆新年都見到Edan到家英哥的屋企拜年，更獲汪明荃用「汪阿Tag」介紹。早前家英哥從新加坡返港完成隔離後，隨即參與Edan的新歌《Elevator》MV拍攝。
羅家英早前從新加坡返港隔離。
Edan上載多張合照，並重溫當年二人合作的經歷，更提到當年被台灣傳媒誤當家英哥的粉絲，而被打上馬賽克事件。他續說︰「家英哥真係超級nice同玩得！！我成日冇大冇細佢又唔介意，同我嘅關係就好似朋友咁，乜都玩一餐，勁開心。」他指那次之後，就一直未能再合作，並自揭家英哥會不時發出長輩圖和他說早晨。Edan說︰「今次MV可以搵家英哥參與真係好happy，仲要二話不說就應承，真係好感激，希望有機會可以再同家英哥出trip拍節目！」
