Edan拍廣告肉緊打機實測網絡 唔擔心AI版取代自己

MIRROR成員Edan（呂爵安）一直是廣告界紅人，網上行netvigator最近邀他拍攝新一輯廣告，愛打機的Edan親身測試家居寬頻服務後，發現網絡流暢又穩定，不愧是「打機神線」。

鏡頭捕捉到Edan肉緊打online game，坐在大電視前的他全程投入，順利過關兼打爆機。在現實生活中，Edan直認喜歡上網，不用工作時，會宅在家打機，甚至相約友人上網開戰。他說每天平均都會花不少時間上網和玩手機：「拍嘢休息時，我會玩手機。放工返到屋企，就算好攰，都要打鋪機先去瞓。」

不怕同「小如豬」爭wifi

Edan家中一向有用家居寬頻服務，即使同細妹「小如豬」及爸爸媽咪一齊上網，wifi網絡狀態都很穩定。除了上網打機，Edan也愛更新社交網，既要向「爵屎」分享最新動態，又會開live傾偈，「爵屎」的瘋狂讚美，卻不會令Edan飄飄然自戀，他表示：「我班爵屎好sweet。」他還堅持要謙虛：「我唔會覺得自己好掂，比較喜歡聽到睇到其他人對我嘅客觀感覺，尤其係爵屎同我講佢哋啲朋友睇過我嘅作品後，開始對我產生好感。」潮流興AI人工智能，Edan近日推出由黃偉文（Wyman）為他填詞的新歌《ChatMrE》，歌名是ChatGPT和E先生的合體，內容講到AI與人類的關係。可擔心AI版Edan比原裝真人更優勝？Edan笑說：「AI好有趣呀，可以探索未來，AI版Edan要似我個樣先得，仲要靚仔過我真人，如果仲樣衰過我就大件事喇！」《ChatMrE》的歌詞提到AI可以3秒完成作曲作詞，若花3秒變出AI版Edan，相信都很神奇，但Edan始終覺得AI是取代不了人類的真摯情感。