湯告魯斯驚喜現身畢彼特新片首映，引來全球影迷熱話。
61歲畢彼特(Brad Pitt)主演新片《F1電影》(F1)，今日於倫敦舉行首映，期間全場粉絲大叫，原來另一型佬湯告魯斯(Tom Cruise)突然現身，畢佬即時上前迎接，兩人先互攬問候，粉絲尖叫聲不絕。多年傳出兩人不和，今次絕對是世紀同框。
傳媒促成合體
畢佬早前宣傳《F1電影》時，有記者問到他會否再與湯告魯斯合作，他說：「佢係一個超級好人同出色嘅演員，如果唔使我倒吊喺飛機，叫佢預埋我啦。」畢佬罕有地回應記者的靚佬湯問題，證明已沒有甚麼心病。
今日的《F1電影》倫敦首映，62歲靚佬湯驚喜現身支持，期間兩人不停交談，又握手又拍膊頭又攬腰，仲擺晒pose給傳媒拍照，超級老友。
24年冇交流
兩位荷李活巨星在年輕時有首次合作，在1994年電影《吸血迷情》(Interview with the Vampire)中，靚佬湯飾演吸血僵屍，更將畢佬變成吸血鬼。當年傳出湯害怕超靚仔的畢佬會威脅自己的影壇地位，於是拍攝期間互不理睬。
之後，兩人一直未有在公開場合出現，就算是慈善活動有傳兩人也刻意避開同場。相隔24年，兩位型佬終於放下一切再次見面。
ADVERTISEMENT
送 CulinArt 1862 HKD500元餐飲禮券及八月四大購物展入場券！
