Goo Chan被爆偷食退出幕前 近日疑為復出出po試水溫遭網民鬧厚面皮
新世代獨立唱作人陳澤鴻（Goo Chan）曾為MC張天賦、馮允謙、洪嘉豪和張蔓莎等歌手編曲編詞。早於4月份Goo Chan被爆背拍拖7年KOL女友芷希偷食，其捉姦片段及錄音於網上瘋傳；片段中，男方更一度維護與佢喺主人房嘅18歲妹豬，表示唔想芷希和其朋友嚇親妹豬。影片流出後，Goo Chan隨即於社交平台發文承認影片男主角係佢本人，並向芷希道歉，表示會承擔責任，承諾日後唔會會再做出傷害別人嘅行為，而且宣布由即日起無限期退出幕前工作。不過，事隔3個月，Goo Chan疑似為復出試水溫。
網民留言炮轟Goo Chan：塊面皮厚過紅姐
Goo Chan突發布一則IG限時動態，分享自拍照並寫道：「謝謝你們一直的鼓勵，今天的question box我全都有看，為我的魯莽跟屁孩行為感到抱歉，看到你們所有的支持和鼓勵很感動，我會努力做好自己要做的事，做更多好聽的東西，回報一直都在支持我的你們，別都的不管了love。」唔少網民見到Goo Chan嘅IG限時動態都熱烈討論，紛紛留言炮轟Goo Chan，例如：「點解你可以厚面皮到咁」、「食相好核突」、「Goochan ig story話多謝啲人支持佢真係笑死我。」、「塊面皮厚過紅姐」、「咪再試水啦」、「人無恥便無敵」、「邊鬼個有鼓勵佢」、「0人鼓勵。」、「佢塊面皮厚過我中學locker疊書」及「面皮九呎厚！等等。
原文刊登於 Yahoo 娛樂圈
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
