Justin近年情緒反應兩極，一時冇晒心機一時過度興奮。
加拿大天王Justin Bieber多次傳出患精神病，與老婆遊迪士尼眼神呆滯毫無表情，又經常拍片表現瘋癲，情況愈見嚴重，粉絲非常擔心。他在父親節當日IG發文：「父親節好慘」，再分享與一位老best鬧交的短訊截圖。
Justin在短訊中表示：「我憤怒係回應我嘅傷痛，要一個受傷嘅人唔好受傷，好刻薄。」老best回覆：「我唔慣對人發脾氣，但唔等如我感覺唔到你嘅憤怒。」Justin再說：「嘿，呢段友情正式結束，我接受唔到一個男人將我嘅憤怒講成發洩。」
坦言有情緒問題
Justin嬲爆老best不了解自己，日前他在IG再發文：「大家一直話我要治療自己，但你唔覺得，如果可治療到我一早就去做？我知自己好崩潰，我知我好易嬲。我一直努力想做到人哋嘅期望，但咁樣我更加攰同憤怒。」
粉絲留言好擔心，一直希望有人幫助Justin。而好多人都叫Justin停止接觸社交媒體，避免病情加深。
