Kayan9896吳家忻、Jasmine 甄濟如與多位本地及海外明星名人與時尚界領軍人物出席WWD Fashion Loves Culture Gala 晚宴。
Kayan9896吳家忻、Jasmine 甄濟如與多位本地及海外明星名人與時尚界領軍人物出席WWD Fashion Loves Culture Gala 晚宴。Kayan9896 當日華麗亮相，亦透露自己想試行天橋，現場即席擺出「Chok 樣」示範。
對於早前舊公司入稟追討薪酬，她表示日前才得知事件，但因屬舊公司行政問題，自己無法參與或回應：「呢件事我有同佢（游學修）溝通，但舊公司點樣溝通我唔清楚，我只負責工作。」被問到是否因經濟能力不錯所以不怕被拖數，她即否認：「都唔係，呢啲都係我應得嘅酬勞，辛辛苦苦工作賺返嚟嘅錢，我好重視嘅！」
Jasmine 甄濟如當日以性感造型示人，笑言需由父母「過目」才敢穿上：「我唔知爸爸會講啲乜，點知佢話『好型』，我先敢着出街！爸爸都好鍾意 Fashion，我同佢嘅品味都好似，所以媽咪成日話我哋兩個做乜咁似。希望之後可以同爸爸試吓一齊行 Catwalk。」
Jasmine 透露即將推出新歌，更邀請父母優先試聽：「今次風格幾唔同，佢哋未聽過，想今次首歌更有自信、女強人啲，佢哋聽完都『嘩』咁一聲。」
