MIRROR成員姜濤、Anson Lo、Edan、Jer、Jeremy和Tiger完成KKBOX音樂會後受訪。(蘇文傑攝)
MIRROR成員姜濤、盧瀚霆(Anson Lo)、呂爵安(Edan)、柳應廷(Jer)、李駿傑(Jeremy)和邱傲然(Tiger)，昨晚(31日)為《第七屆 KKBOX 香港風雲榜 - The Beat Goes On》音樂會演出。6子完騷接受傳媒訪問，對於MIRROR紅館演唱會事故，3名涉事的舞台統籌工作職員，被裁定欺詐罪不成立。Tiger 表示：「我哋對法律唔認識，所以講咁多係唔好，我哋都有簡單出發點，呢件事受傷嘅人快啲康復，呢個係最簡單直接嘅諗法。」
繼續妹豬組
Edan早前在節目《呂濤米Lo Seoul》與花姐深情對話，對於花姐直言起初不睇好Edan，引來fans關注，他直言，「大家睇到我哋某程度嘅真面目，但可能fans care嘅點唔同，我哋一直都感謝花姐照顧我哋。」談到未來發展，Edan相信MIRROR存在，就會繼續有妹豬組，而今年小組亦會繼續出歌。至於未能符合花姐心目中的「撕漫男」形象，Edan卻不太認同：「我覺得我適合，大家打開漫畫見到我，就會撕爛漫畫！」接受半說笑自爆：「度咗好耐，終於有機會畀我發揮！」他開解fans表示：「由初出道到依家所有嘢，係完全冇諗過。有依家嘅嘢都感恩，有我呢刻都係因為所有fans。明白fans想我更好，大家放心，我一定會更努力進步，會同花姐多多交流，佢一定會好好努力幫我，love you花姐。」
歡迎花姐deep talk Jer揚言不會喊
花姐在節目中跟Edan對談時，自爆對於未能為他和Jer爭取更多獎項，耿耿於懷，Jer表示，「好多謝花姐一手一腳湊大我哋咁多個，我哋有今日都全靠佢，無論發生咩事，花姐都係我哋好多謝的人。」Edan在節目中戲言要爭取男歌手金獎，Jer就一臉認真答道：「我細個時都曾幻想攞獎，大個咗冇乜諗獎項，做好每一首歌要表達的訊息。」
昨晚Jer與黃妍合唱方大同作品為對方致敬，又與MC張天賦和陳健大玩crossover，他直言非常滿足。至於合約年期問題，Jer半說笑道，「我仲以為昨日先出道，我心境仍好年輕。其實冇特別諗年份，每一次表演或做歌，都係諗點樣做好，無論幾多年都keep住咁樣做。」對於跟花姐deep talk，他表示非常歡迎，但姜濤Edan和Jeremy都齊聲指他會哭，Jer豪言：「男子漢大丈夫，流血不流淚。」他表示現正錄製新專輯，被問到會否再參與作曲，就大賣關子。
Jeremy嘆體肌零增長
Jeremy談到被花姐催拍拖，他直言已30歲，想拍拖但未遇上合適人選，「希望在明天，希望唔使等到40幾歲。」至於他毫不掩飾分享妒忌大表哥，他表示這是人生經歷的事，值得跟大家分享，Stanley也一如以往的大哥哥作風，大家都彼此感謝。談到合約年期，他表示，「沒有care合約問題，一直都好想做男團，當然越做越長就最好，而家自己都忙緊唔同工作，只係諗出道咗幾多年。」他表示即將閉關籌備個人演唱會，對於落力做Gym但體脂和肌肉比例，卻跟4年前沒分別，他大感苦惱，惟有繼續努力加操。
近日忙於排練音樂劇的Tiger自言無暇理會合約年期問題，他表示不介意與花姐深情，笑言只要有酒飲，談甚麼也OK。
立即更新/下載AM730手機APP 體驗升級功能
