《亞洲超星團》九位成員獲曾志偉賜團名「LOONG9」一夜爆紅。
《亞洲超星團》九位成員正式出道，更被總經理曾志偉賜名「LOONG 9」一夜爆紅，更帶起全城抽水兼恥笑。昨日，IKEA官方出PO「我係Long Yit 9」來宣傳其9蚊熱狗，就連AV界代表Erena繪麗奈(素海霖)都唔執輸，並寫︰「話説我一出道嗰陣，唔少人叫我『隆奶』，估唔到而家有人拎咗來做組合名。」其幽默靚抽獲網民大讚好波。
聯想到《賭俠》角色龍九
「LOONG 9」並非讀「LOONG九」，而是英語發音「LOONG NINE」，意思九子男團於龍年成軍，可惜團名其成為笑話，令網民紛紛聯想讀音為粗口，如今更多了個中文名「隆奶」。另外，亦有人見字則聯想到陳法蓉在經典港片《賭俠》中飾演的「龍九」，認真話題滿載。
