Lucy今日4歲生日，一家三口合照笑容燦爛。
李璨琛的囡囡Lucy（李元元）出名可愛活潑，加上形象百變走搞笑路線，Ig 吸逾36萬粉絲。轉眼間Lucy 已經4歲，今日Lucy 媽在社交網貼出一家三口的合照，慨嘆Lucy 已經大個女，又表示昨晚想趁Lucy 還是3歲時便跟她影相留念，相中Lucy 放下近排最愛的「元教授」造型，笑到見牙唔見眼 ，十分可愛，而Lucy 媽就貫徹包頭造型，並大爆Lucy 發問了一個奇怪的BB問題。
她寫道：「琴晚趁佢仲係三歲嘅時候祝佢影返張相，今朝起身知道佢四歲覺得佢真係大個女喇(偷偷啜泣)但係啱啱食晏，佢食食吓突然問我：媽媽，我哋係咪真人嚟㗎？咁我係咪真㗎? 突然間又覺得佢好BB，問埋D咁BB嘅問題。算啦！無論你長幾大，係我心目中，你永遠都係BB #問自己係咪真人 #元教授真係癲㗎 #HBD」不少網民紛紛都留言祝「元教授」生日快樂，繼續笑多啲。