Ad Block Ad Block
娛樂
2022-05-19 17:40:22

Lucy收偶像人形紙板即搬入睡房 甜到漏幫MC搽Cream

分享:
Lucy收偶像人形紙板即搬入睡房 甜到漏幫MC搽Cream

Lucy一開門收到偶像MC的人形紙板,令她立即跳起開心舞。

藝人李璨琛(Sam)的4歲囡囡李元元(Lucy),已由Elsa粉絲變心成為「賦二代」,近排Lucy對偶像張天賦(MC)的愛意又再昇華,收到廣告商送來的MC人形紙板作禮物,搞到Lucy心花怒放。

Lucy媽為囡囡開IG分享日常生活,今天(19日)就出PO公開寶貝女收到MC紙板公仔的一刻,Lucy甫開門發現MC的廣告紙牌時,難掩興奮立即跳起開心舞來,之後就把紙板搬入屋企,Lucy媽表示:「佢周街同我啲friend講話張天賦喺佢屋企,朋友當然覺得好離奇,何解張天賦會喺佢屋企」,Lucy更被媽咪踢爆第一晚與MC共處一室,阿女表示好開心,更成日話好想摸MC,有時臨出門口,又會同MC講再見,Lucy媽再爆:「影完相順手攝咗張天賦喺大廳,死都話要搬返MC入佢自己間房,問佢點解,佢話要同MC一齊瞓覺」,Lucy又開心地狂摸紙板MC塊面,一時又要替偶像搽Cream,而MC本人其後都有轉發到限時動態。

4歲Lucy對偶像張天賦的愛意又再昇華。 Lucy狂摸紙板MC,更替偶像搽Cream。 Lucy被媽咪踢爆收到紙板公仔第一晚即與MC共處一室。 Lucy收到廣告商送來的MC人形紙板作禮物,自然心花怒放。 MC都有在IG限時動態轉發照片。
請接受以下私隱政策及免責聲明,以示你同意am730內之私隱政策及免責聲明。了解更多
接受