MC助手疑想剪Moon Tang條脷 Gareth.T：歌手唔cool樂迷要再教育

MC張天賦助手Yee Yee，早前言論得罪Do姐鄭裕玲，又疑似踏MC的同師妹Moon Tang(鄧凱文)、蘇麗珊唱歌麻麻，更指「好想剪佢(Moon Tang)脷根」，令網民及樂迷譁然。雖然MC昨日出席活動時，談到Yee Yee言論即畫清界線，又說：「佢唔代表我，佢嘅私人討論，唔係我嘅立場。」

Moon Tang的男朋友唱作人湯令山(Gareth.T)，今日在Threads出帖大談廣東歌曲風為何發展緩慢，Gareth.T指，廣東歌咬字非常重要，又稱歌手作品不夠 cool，似是指責當下一班樂壇新人，仍然以創作K歌為主流，不肯去冒險探索新曲風，他直言：「聽眾需要教育。」

一班樂迷紛紛提出他們對廣東歌發展緩慢的觀點，包括所謂頂流其實實力不夠，而且groovy地唱廣東歌，對歌手來說非常有難道，又稱曲風變化少全因巿場太細，能賣錢的只有k歌，Gareth.T就指：「或者聽眾根本唔需要行得前嘅音樂，或者K歌以外不同類型嘅音樂。」似是為其女友的呢喃唱腔作解釋。