MC推出新歌《168.5》，以身高為題材。
MC年中推出新碟《Sweet & Sour》後，已開始籌備下張專輯，日前推出本年度第三首新歌《168.5 (feat.BILLY CHOI)》，找來Billy Choi作曲填詞及featuring、葉澍暉編曲及李一丁監製。MC形容這是一首半hip hop的歌，於是他便聯想可以邀請Billy Choi合作，沒想到二人因為「身高」 一拍即合。
MC表示 ：「最初我希望（下一隻）專輯可以有多啲唔同嘅題材或者唔同嘅曲風，咁然後我就覺得，不如做一首半hip hop嘅歌啦！於是乎我其中一個諗法就係（搵）Billy啦！咁亦都係因為呢首歌我哋第一次見面，我覺得⋯⋯我相信我地雙方都有「審視」過大家嘅！咁就覺得不如攞「身高」嚟做題材都幾好喎！同埋叫做互相鼓勵下大家囉！」Billy亦搞笑地說:「叫做大家都有個「共通點」咁，哈哈！我有聽MC嘅歌架！我記得我曾經係社交平台用密友形式分享過MC嘅《時候不早》，嗰陣時比朋友笑，我同佢地講你地睇住黎，我終有一日會同MC一齊整隻歌！today is the day！」
《168.5》新歌是想分享縱使身高可能未達世俗眼光「標準」，但MC認為最重要的是需要擁有自信，用實力「再創新高」！MV更找來香港拳擊運動員曹星如、花式足球員吳梓禧、香港劍球運動員潘昊臨及職業健美選手Johnson Chan等人參與演出，MC及Billy亦分享當日拍攝MV經歷，Billy說：「炒航拍（機）幾好笑，即係我唔應該笑，但我覺得係幾好笑！」MC則分享說：「我覺得都有幾多（經歷）㗎，佢（Billy）企巴士上面腳震，震咗架巴士幾下，哈哈！我覺得今次呢個MV係我咁多個MV之中最開心嘅一個！因為有2個人拍MV，一來可以分擔咗啲嘢啦，休息嘅時間多咗啦，第二就係實在有一班太犀利嘅人參與呢個MV而且係令我估唔到！我哋今日有打泰拳嘅人啦，有Rex曹星如啦，亦都有玩劍玉同埋花式足球等等，全部都係啲好叻嘅人，所以佢地都令我對呢首歌嘅信心再大咗！希望呢首歌可以傳遞到正面嘅訊息俾大家！」兩子更異口同聲說:「各位男仔！168.5絕對唔矮！發揮你嘅天賦，發揮你嘅潛能！最緊要有自信！」
兩位最後更化身「主持」訪問香港拳擊運動員曹星如！得知曹星如真實身高時是171cm時，Billy不禁反問MC，佢高170但我地兩個企埋佢隔離但高過佢會唔會好奇怪？惹得全場大笑！MC立即搞笑地叫同事「唔好影腳！唔好影腳！」
ADVERTISEMENT
