MC張天賦約定同門的洪嘉豪9月開騷。
MC張天賦憑歌藝獲得本地樂迷認同，近期多次透露今年會開騷滿足一眾「賦二代」。昨晚，MC在自己的IG限時動態上公開一段影片，MC約定同門好友洪嘉豪今年9月是否有時間，嘉豪不斷反問MC究竟乜事，最後嘉豪就回覆「都得嘅」，MC就表示要開騷，並寫下「洪嘉豪話九月得閒同我開騷」，之後，洪嘉豪都在自己的平台轉發該短片，還留言「九月呀嗎，今次玩大啲囉」，消息一出即令兩人的支持者大為興奮，紛紛詢問撲飛消息，而工作人員就立即出PO叫大家定啲嚟，目前尚未接受內部訂票，歌迷惟有再等兩人公布好消息。
MC目前狀態大勇，今年首支單曲《小心地滑》獲黃偉文（Wyman）出手相助，兩人更會再接再厲，本月中將推出新歌《老派約會之必要》，而洪嘉豪同樣越戰越勇，接連派台歌曲均取得不俗成績，他與MC均屬華納新一代紅人，而且合作無間，今次開騷自然有一定的號召力。
洪嘉豪揚言今次要玩大啲，預告會在較大場地開騷。