Edan接受Do姐電話訪問。
ViuTV早前宣布，將安排港版《大叔的愛》原班人馬，開拍新劇《百萬同居計劃》，並加入柳應廷(Jer)、陳漢娜(Hanna)及資深演員劉江參演，劇迷都十分期待盧瀚霆(Anson Lo)與呂爵安(Edan)再度同台。但Edan早前接受商台謝茜嘉訪問時表示未必會參演，今日他接受鄭裕玲(Do姐)節目《口水多過浪花》訪問，再被追問此事，Edan說：「之前傾好晒會怕，因為疫情影響咗開鏡，好多工作都推遲咗，導致一啲好早接嘅工作撞晒期，所以好多工作要推遲或者辭演。」
今年有得睇MIRROR演唱會
Edan指，自己非常想拍《百萬同居計劃》，因為同《大叔的愛》舊班底已經非常有默契，而且好想同今次加入的新人如陳漢娜、劉江等合作。目前仍在拍攝《季前賽》的他稱：「《季前賽》即將埋尾，講游泳嘅《I.SWIM》好快有得睇。」Do姐問他有否為MIRROR演唱會做準備，以及何時開騷，嚇得Edan口窒窒稱：「應該今年內會發生，下半年啦。」
