MIRROR十二子齊人出席《全民造星Family》記者會。(林俊源攝)
MIRROR今日(25日)相隔約半年後再次合體，十二子齊人現身觀塘，與歷屆《全民造星》出道的ERROR、COLLAR、P1X3L、5G和ROVER出席《全民造星Family》記者會，宣布將於今年除夕 12月31日舉辦《全民造星 Family跨年倒數》，屆時五屆《造星》出身的的男女團將聚首一堂，傾力演出，迎接2026年。活動尾聲，《前傳》音樂響起，眾人齊集台上大合照。MIRROR於活動後受訪，這是他們再齊人出席公開活動，隊長楊樂文(Lokman)坦言已好一段日子沒有齊人，加上與《造星》家族同場，聽到《前傳》音樂響起，回憶滿滿，AK江𤒹生笑言，「剛剛叫我哋做元祖，呢七、八年時間過得好快。」Edan笑言，「見到師弟妹跳得咁辛苦，都有啲唔好意思，期待家族show會有咩火花擦出。」
談到家族Show的crossover組合，Lokman就希望有更多驚喜的大兜亂，不過私心最想合作是ROVER； AK則坦言，「按身體嘅男性賀爾蒙計，係想同師妹合作，希望公司有安排。」Stanley亦和應，「如果跟ROVER合作跳妹豬舞，希望有啲妹出嚟，會開心啲。」至於除衫，他笑言，「一山不能藏二虎，肥仔喺台下都可以除衫(杜德偉演唱會《脫掉》)，留返俾佢。」
《造星》帶來的改變
記者會上﹐主持陳安立(Brain)問12位成員，參加《造星》對自己的意義和出道至今的改變，Lokman和AK均認為是《造星》是人生轉捩點的重要一步。姜濤希望繼帶來更好作品。Stanley邱士縉自言由素人轉變成藝人，最多謝有11位兄弟同行；Brain笑大表的身型有很大轉變，Stanely即表示：「呢啲唔講。」Frankie自言是I人，入行後學習多表達自己。Jeremy就達成了加入男團的夢想。Tiger認為《造星》為他帶來機會，「畀機會我入到呢間咁好嘅公司啦，呢間公司無論自由度、所有嘅投資都係好好，所以我好慶幸參加《全民造星》入到呢間公司。所以往後咁多屆《全民造星》，你哋嘅決定係啱嘅，雖然，之後嗰幾屆係冇咗100萬獎金！」姜濤聞言即大笑。最後Tiger振臂高呼：「多謝公司！」眾兄弟忍俊不禁，Stanley笑言：「見到啦，佢有乜改變！」
Anson Lo就因《造星》正式踏上跳唱之路。Edan笑言除了多了很多「家人」(兄弟)外，最大改變是身高，「每一年都快高長大，生長激素會越嚟越增加。」身高183cm的Stanley則表示7年來沒長高，「同你哋距離越嚟越近。」事後Edan解釋出首時才21歲，仍有機會發育長高，但Stanley出道已經28歲。陳卓賢Ian繼續簡而精，「有好多得著，最大得著係認識到在座咁多位。」Jer柳應廷他笑：「跳舞技能Get！」由弱項變成強項，眾兄弟立即起哄要舞王Jer即席獻技，又指他在新團歌MV企C位。Alton王智德自言擴闊了視野。
七周年大計
MIRROR宣布多項重磅團體計劃及活動，為慶祝成軍七周年，將於MIRROR成立的大日子11月3日推出全新跳唱團歌，並於11月20至22日舉行一連三場《MIRROR 7th Anniversary - GAME ofMIRROR：閃避球挑戰賽》，由隊長楊樂文(Lokman)以及副隊長江𤒹生(AK)分成藍白兩隊隊賽，Lokman隊包括姜濤、Edan、Stanley、Alton和Frankie，AK隊則有Anson Lo、Jer、Jeremy、陳卓賢和Tiger。此外，去年的世界巡迴演唱會 《MIRROR FEEL THE PASSION CONCERT TOUR2024》即將推出藍光碟，將於11月6日開始接受預訂，Lokman預告將舉行簽唱會。
缺席叱咤 AK：少咗個回憶
《造星》首次開家族show和MIRROR的元旦表演，選址在澳門舉行，不少鏡粉都希望有機會移師香港再舉行，Lokman和AK齊聲表示歡迎，「有表演做一定唔拒絕，用咗好多心機，做咗一場，好似有少少嘥咗，如果可做多幾場，可以有多啲fans睇到，一定唔介意。」談到MIRROR雖然今年缺席叱咤頒獎禮，但不少fans都表示依舊會入場投票，Lokman續說，「我哋有工作去唔到，fans都入場支持，一定要多謝，我哋人唔到佢哋都禮到，一定係最大respect，七年以來熱情仍沒減退，今日都一早排隊，非常感激。」其中以神徒和姜糖佔最大多數，Anson Lo和姜濤亦表示大家的支持和愛。AK坦言，「入行後，第一次因為工作去唔到，少咗個1月1號嘅回憶，無辦法，希望下年多番個回憶。」
最緊要開心
MIRROR的七周年fans聚會，將一連3日舉行閃避球賽，Lokman和AK率領的兩白兩隊，以抽籤決定隊員，事前亦有教練指導比賽規則和注意事項。對於有fans擔心個唱前參與刺激活動會受傷，Anson Lo就大派定心丸，「我係秘書，相信fans meeting唔係專業打閃避球，亦唔係都係俾fans見到我哋嘻嘻哈哈，多於認真賽事，大家唔使咁擔心。」排球員出身陳卓賢則劇透，早前因拍公司綜藝節目體驗運動員生涯，而七周年則務求讓fans睇到開心。
MAMA舞台表演
MIRROR全員將出席11月28日《2025 MAMA AWARDS》，Lokman直言非常難得，故現已籌備中，「希望到時有好嘅表演，希望可以無愧。」有fans考古姜濤初出道時的許願，就是MIRROR有機會參與MAMA，如今夢想成真，他坦言，「好開心，所以要加油！」Anson Lo曾於2021年獲MAMA獎項，但因疫情未能親身領獎，今次以團體形式登上，意義更重大。
ADVERTISEMENT
立即更新/下載AM730手機APP 體驗升級功能
