「FING小組」集氣成功，將於11月5日舉行《Manifest | W.T.F.2 Live 2025》。
MIRROR「FING小組」成員楊樂文(Lokman)、江𤒹生(Anson Kong)、王智德(Alton) 和陳瑞輝(Frankie)，於6月舉行《Manifest | W.T.F. Live》大獲好評，不少fans都要求開part 2，四子早前亦寫紙皮寫「大字報」。公開爭取，Frankie寫道：「如果有part 2係咪應該叫W.2.F(two or to)，Alton寫著：「睇show要喺現場睇，唔好淨係喺Threads睇。」AK就順便宣傳埋自己首歌《Love is on the way》舉牌寫：「Part 2 is on the way！」Lokman就提醒：「想睇嘅show就去睇，唔係次次有下次。」近日終於集氣成功，鐵定於11月5日假亞博10號展館舉行《Manifest | W.T.F.2 Live 2025》。門票於9月15日中午12時Klook公開搶票。
「FING小組」今年6月的首場演出以街舞文化為核心，全晚跳唱，演繹《FING!》及《DUM!》等小組作品，並重新詮釋多首樂壇經典，如《男子組》、《昨遲人》、《取消資格》等，舞台魅力與體能極限挑戰贏盡口碑。演出尾聲以《Easy》與《大丈夫》將氣氛推至高峰，四子真情流露，台上台下淚水與汗水交織，成為樂迷心中的難忘時刻。
縱然完騷將近3個月，四子還是記憶猶新，Lokman 坦言：「排W.T.F呢個Show真係好辛苦，不過辛苦完之後嘅感動，令我哋都想排多次！」AK 興奮表示：「多謝三位兄弟！我玩得好開心，不如我哋排多一次？」Frankie 難得激情喊話：「玩一次點會夠？我覺得可以玩多次囉！仲要係充滿回憶嘅亞博Hall 10！」Alton 則感性分享：「雖然有時開完會都冇答案，但路行行下，Part 2就嚟啦！」四子異口同聲表示宇宙真係聽到大家的願望！今次演唱會會玩得更大、跳得更狠，說：「唔理你上次有冇入嚟睇，今次都一定要一齊入嚟瘋狂跳一晚！」