Ad Block Ad Block
娛樂
2022-07-27 15:42:42

MIRROR演唱會 | 鏡粉網上聯署求正視 舞台高危位逐個睇 Frankie跌親內行人鬧冇人提水

分享:

MIRROR演唱會正式開鑼,fans當然好興奮,但又好擔心,因為開show前已經傳出有舞蹈員因為台面機關問題而跌親,睇show嘅觀眾都覺得個舞台危機重重!有fans直情擔心到喺網上聯署平台發起一人一信行動,要求有關方面正視MIRROR演唱會舞台安全。

MIRROR演唱會︳鏡粉網上聯署求正視 舞台高危位逐個睇 Frankie跌親內行人鬧冇人提水

綜合場內片段,MIRROR演唱會舞台危險位有呢幾個︰

高架橋

前2次演唱會都有安排類似嘅半空裝置,等MIRROR成員同歌迷打招呼。但今次條天橋就令人唔多放心,睇片見到chok幾chok就係咁搖,除此之外天橋欄杆只係去到腰以下,亦都唔會有安全帶俾MIRROR眾人扣住,升得越高fans越驚。結果大會喺第2場取消呢個位。

MIRROR演唱會︳歌單一拳公開 一項敗筆與鏡仔無關

貨車頂舞台

AK同Lokman跳唱《虎道門》嗰part,AK會喺比較近觀眾嘅貨車型舞台上跳舞,但喺第一場舞台升起嘅時候突然晃動,跳緊舞嘅AK失去平衡,好在只係跪一跪。唔好彩由「車頂」跌落嚟都幾大件事!

MIRROR演唱會︳鏡粉網上聯署求正視 舞台高危位逐個睇 Frankie跌親內行人鬧冇人提水

天橋

舞台上有可以升起嘅天橋,但係高低不平,第一場姜濤同AK都差啲叉錯腳跌倒。

MIRROR演唱會︳鏡粉網上聯署求正視 舞台高危位逐個睇 Frankie跌親內行人鬧冇人提水

升降台

正正喺第2場,Frankie(陳瑞輝)喺台上分享心路歷程之際突然跌落台邊,好在冇事。睇返片段,Frankie一邊講一邊行,太投入先至出事。不過有舞台經驗網友質疑,當時控制台上工作人員見到Frankie越行越出,應該透過監聽系統提醒戴住耳機嘅皮皮。

MIRROR演唱會︳鏡粉網上聯署求正視 舞台高危位逐個睇 Frankie跌親內行人鬧冇人提水

MIRROR演唱會︳鏡粉網上聯署求正視 舞台高危位逐個睇 Frankie跌親內行人鬧冇人提水

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受