網友在社交平台分享了與193的對話截圖。
MIRROR的紅館演唱會事故至今已經兩星期，不少鏡粉不滿MakerVille行政總裁魯庭暉一直「龜縮」，未有公開詳細交代事件，而ERROR 成員郭嘉駿（193）日前亦無辜被牽連。有網民在討論區私訊193，指他向來敢言，為何今次意外未有挺身而出，事件觸發193本人回應，並與網友展開罵戰。
網友在社交平台分享了與193的對話截圖，他寫道：「你唔係好敢言架咩？做咩唔出嚟話下你公司呀？你老母生到你牛高馬大剩係識恰啲幾十歲同𡃁妹，X下你老細呀嗎﹗唔敢呀？抵你咁乞人憎。」其後又指ERROR 與MIRROR 12子唱歌很難聽，叫他們「退出返番入垃圾桶」。
對於無理指控，193立即火爆還擊：「你係咪精神有問題，你覺得我係時事評論員？我咩都要評論嘅咩？我鍾意講乜就講乜架啦使唔使你批准﹗你呢啲垃圾真係慘，如果冇咗鍵盤 ，我諗你連垃圾都不如！」二人瘋狂互罵，網友表示會POST俾傳媒，193則回應「你咪post囉」，其後更封鎖網民，續說：「你咪post囉，唔post正垃圾，post完記住send番條link俾我。」罵戰間雙方都出動到粗口，但不少網民都力撐193，叫他無需理會別人無理的說話。
