吳浩康新歌《天下烏鴉》今日推出，MV男女主角搵來網民喜愛的貝依霖及「認字特警」李天翔，過往貝依霖上節目都大騷事業線，但今次就收收埋埋。她說︰「其實我覺得有啲難，點樣去演性感嘅眼神？因為平時都係靠『露』去演繹，但係今次嘅衣着相對嚟講係遮得比較多，真係要靠內心去演譯，好有挑戰性。」
說回吳浩康的新歌，他覺得很有共鳴︰「每個人嘅過去，多多少少都做過錯事。我自己嘅內心世界都會因為一啲自己過往處理得唔好嘅嘢而慚愧、內疚、自責。呢隻歌係我一個釋懷，呢啲可能係人生必經嘅狀況，有啲人會早啲學懂點處理；有啲人遲啲，或者處理得差啲。無論係點，過咗去都唔需要再停留喺嗰個情緒，應該俾自己喺個教訓裏面學識咗繼續向前行。」
作曲的藍奕邦認為由吳浩康以代言人身分演繹這首歌，有絕對的感染力，他說︰「我覺得佢可以駕馭到好多現今市面上嘅男歌手未必可以handle到或者敢handle嘅題材，我對佢嘅唱功、唱歌嘅感染力從來都冇懷疑過。」