T.Max對於近幾年都只能在動漫節急急度過，感到無奈。(娛樂組攝)
T.Max(海淦清)在《女神配對計劃》中是羅毓儀(Yuki)的追求者，因為與Yuki同是動漫迷，所以特別投契。今日他到會展主持「《Z世代咪高峰Show》@香港動漫電玩節」，T.Max表示最近很喜歡《排球少年》、高達、新世紀福音戰士EVA系列，奈何工作比較忙，未能留在會場搜購相關產品，「我好想花錢！我完咗呢個job仲要做其他嘢，好想行呀！」。他透露過去也有cosplay，但大多是做Joker角色。
談到Yuki過去也有cosplay不同角色，T.Max有讚無彈，他說︰「佢真係整到好靚，佢有同我講好多嘢都係自己搞！我最鍾意佢一樣嘢就係為自己鍾意嘅嘢，非常投入！(有冇留意佢cosplay過小忌廉？)有啦！完美還原呀！佢直情喺電視機行出嚟咁！」
T.Max表示過去有cosplay過Joker。(娛樂組攝)
對於他拍今個節目，令他的黑歷史被翻出，T.Max直認以前是一個邊緣青年，「我細個係幾唔生性，好任性，唔識珍惜身邊嘅嘢，嗰段日子係幾黑暗，係唔光彩嘅！都好感恩，因為無呢啲經歷，無前面嘅起承轉合，唔會有今時今日嘅T.Max，但我冇打算收埋呢一部份，我會用呢啲經歷為鑑，去行之後嘅路。如果冇呢個經歷，我相信今時今日嘅我係唔會學唱歌、寫歌、做MC同做DJ。」
他表示去年推出了兩首個人作品，今年亦希望繼續做音樂，「因為音樂對於我嚟講係將我由一個邊緣青年，拉返成為依家嘅T.Max，所以我希望想借自己音樂，話俾一啲可能路途有阻濟，唔知做咩、無咩能力嘅人聽，只要肯努力去踏出第一步，每個人都可以成就自己嘅一片天。」
T.Max表示不會隱藏自己的過去。
關嘉敏現身動漫節︰
ADVERTISEMENT
送香港迪士尼樂園20周年限定精品及一日門票！
