李焯寧參演過多套TVB劇集。
好多TVB藝員從商後都有好成就，曾經係「TVB御用婢女」嘅李焯寧，離開大台後轉戰商界，成為CEO之餘更加做埋政協。
李焯寧21歲加入TVB，10年間拍過多套劇集如《金裝四大才子》、《美味情緣》、古裝版《皆大歡喜》等，因為拍親古裝都多數演丫鬟、妹仔，因此被稱為「御用婢女」。做咗10年都係妹仔，李焯寧2010年決定外闖，之後加盟HKTV拍過幾套劇。李焯寧2017年一度重返TVB拍過《使徒行者2》，並且開設市場策劃公司，仲北上拍劇。
轉戰內地事業起飛
轉戰內地之後李焯寧事業開始起飛，成為公司CEO，負責舉辦大型活動之外，2019年更加被委任為廣西南寧市政協。由於疫情，李焯寧3年冇親身參與會議，早前佢再次去到南寧開會，感到相當激動！李焯寧不時都會喺IG分享生活照，keep得超好之餘生活仲相當寫意。
原文刊登於Yahoo娛樂LOL，am730獲授權轉載
